الليل موحش بدونك يا هوى بالي=أثقل على القلب من بعدك وهجرانك
أسامر أحلام ليلي قاعد لحالي=كل السهر ياهوى روحي على شأنك
أشكي لروحي من همومي وغربالي=مالي وطن بالهوى أطيب من أوطانك
من عقب ذاك الزمان الزين يرثالي=فقدت طيبك وضحكاتك وتحنانك
ينتابني لا ذكرتك ضيق بهبالي=ياليتني قاصي النزلة بجيرانك
يرتاح بالي ليا من صرتي قبالي=وأنتي تحسين بوجودي بعربانك
ماهو مهم نتواجه دوم يالغالي=يكفيني أشوف لا مريت بيبانك
ياطيبها لو تصير الدار منزالي=وأطيب من الطيب أشاهد نظرة أعيانك
لكن مالله كتب ياعذب ياحالي=القاسم المشترك حزني هي أحزانك
من يوم حبك سكن بالخافق الخالي=الثامن المستحيل اليوم نسيانك
ياليت للطيب مقياس وتحلالي=قسم ليلقى بدمي مرَكز إدمانك
ما والله أنساك لين العقل ينزالي=وإن مت كامل عقل ببعث على جنانك
يامن غرامك معقب في زلزالي=الله يسقي وطنك ويرحم أزمانك
ماعاد تدري بعدك بشيء يجرى لي=أشغلك عني زمانك مدري أشطانك
أشيل حبك وصدك دوم يبرى لي=مدري جفا منك وإلا طعت لأخوانك
من بعد كنت المقدم صاير التالي=الله أكبر على جورك وسلطانك
تبا الصحيح الصيح اليوم يرثا لي=لا من شعرت إني التالي بخلانك
بيصير ليلي نكد وأسهر بولوالي=والهم يرعى بروضٍ(ن)كان بستانك
الليل موحش بدونك يا هوى بالي=أثقل على القلب من بعدك وهجرانك

المشاركة الأصلية كتبت بواسطة أبو سعد (المشاركة 144812) قصيدة طيبة وانت اطيب تقبل المرور

حياك الله حضورك أكيب


لك تقيري

المشاركة الأصلية كتبت بواسطة عبير الشوق (المشاركة 144813) يرتاح بالي ليا مـن صرتـي قبالـي وأنتي تحسيـن بوجـودي بعربانـك ماهـو مهـم نتواجـه دوم يالغالـي يكفينـي أشـوف لا مريـت بيبانـك ياطيبها لـو تصيـر الـدار منزالـي وأطيب من الطيب أشاهد نظرة أعيانك لكـن مالله كتـب ياعـذب ياحالـي القاسم المشترك حزني هي أحزانـك حروف تلتقط أنفاسها خلف قلماً يلهث بنبض وأنين مُحب أستاذي بن هليل / شكراً لـ تنهدات قلمك صح نبضك وطال عمرك تقديري

صح بدنك وسلم بنانك

شكرا لك على هذا الثناء العطر

وفيتي وكفيتي لا عدمت حضورك المميز

لك خالص التقدير

المشاركة الأصلية كتبت بواسطة طارق العبيدي (المشاركة 144817) من يـوم حبـك سكـن بالخافـق الخالـي الـثـامـن المستـحـيـل الـيــوم نسـيـانـك يا سلام على جميل التعبير حب عطر يسكن قلب لايعرف الحب ومن سكنه صار مستحيل نسيانه دليل قاطع على قوة هذا الحب الذي استوطن قلب عجز اي حب استعماره وما ان استوطنه حتى صار الفؤاد لايطيق بل لايستطيع نسيانه لك كل الود والتقدير

صح بدنك ولا هنت

اثلجت صدري بطيب الرد ... ثناء منك أرى أني لا استحقه

لا عدمت حضورك العطر

لك تحيتي

المشاركة الأصلية كتبت بواسطة ابن عميش (المشاركة 144826) ياعيني على الابداع والتألق قصيده رائعه ومميزه بحضور وتميز شاعرها لك التحيه والتقدير

شكرا لردك الطيب يا أبا ماجد

حضورك يشرفني لا عدمتك


تقبل تحيتي