ضيدان في شعره تمثل بالعزيزه في مصر=واستشهد بعذب المحبة في قصيده وأكذبه
نسج قوافي فاتنة شعره على ذوق وبصر=والشاهد الله ذا القصيدة للقوافي مرهبه
قام يتغزل بالهنوف اللي بها خصرٍ(ن)ضمر=لا من تثنت عقل ضيدان بهواها تسلبه
ما شاف ما شافت عيوني من جمالٍ(ن)بالخُبر=لو شافها ضيدان من شعره يسوي معجبه
مثل القمر لو شافها نص الشهر ضوء القمر=يخسف حيا من نورها والنور عنا يحجبه
وشلون عاد بقلب شاعر لن تعلق وإنكسر=عقله وقلبه والمشاعر والقصيد لينكبه
في عينها سهم المنايا والمنايا بالصدر=ياويل منهو يارفيق الشعر عقله تنهبه
قالت :تجمل قلت:بيش وقالت:أوسع للممر=قلت:الطريق أوسع من ذمم العباد المذنبه
قالت:تهزر قلت:حاشا معك ماعندي هزر=لكن أنا يافاتنة وسط الطريق مجنبه
قالت:غشيم وقلت:يمكن خير من غيلة غدر=قالت:ياويلي قلت:ويل الكل قلبي تحطبه
قالت:بدو قلت:البداوة لأهلها عز وفخر=قالت غريبة قلت مالغربة بعز مجربه
قالت:كلامك فيه شيء من التغطرس والكبر=قلت: الترفع للرجل ماهو بعيب يعيبه
ما تدري إني فارسٍ(ن)لكن ماجاها خبر=ومن يجهلك ما قدرك لو كان صاحب مطلبه
قفت وأنا عقلي يتابعها ويتبعها النظر=والقلب يرجف والجسد ترجف عروقه وعصبه
أحس في قلبي وقايد كنها حرق الجمر=ماهو خسرته بالمصادف كيف برجع وأكسبه
القلب ينزف من غرامه والقدر مابه مفر=ماني بعارف وين دار صويحبي وإلا عربه
الفاتن اللي بالخبر غير العزيزة في مصر=لو شافها ضيدان قال الحب عذبه بأكذبه

صح بدنك ولا هنت

الله يديم لك الضحك

عاد نبي نشوف مجاراتك اما له والا لي

لك تقديري

هلا بالمرور ودوام الحضور


لك خالص تحيتي وتقديري