حـلـت ليال الصيف والـوجدان ما يحتاج صـيـف = صيفه فـراق الغالي اللي لو يبا روحـي فـداه
الـقـلـب حـره زاد مـن بـعـد الذي دمـه خـفـيـف = ريـحـانـة الخافق سـراجه مهجته نسمة هـواه
زهـر العمر نـور النظر روياه كيف وأي كيف = كـيـفـه يعدل الرأس لا قهواك من دلـة شـفـاه
هبايب الكنه يـبـس من جورها غصن(ن) نـحـيـف = غصن الفواد اللي فقد زهره وهجرانه كـواه
يـامـا حـلا ورد الـربـيـع و ما حلا غـيـث الـخـريـف = تـعـطـر الارواح والأنــفـاس تـتـنـفـس شـذاه
غـيـث الـخـريـف ايسلي الخفاق بـالجو الـطـيـف = يـرتـاح من سـهـر الليالي والتعب واللي عـنـاه
ربـيـع وجـدانـي خـريـفـه بـرق بسمات الـولـيـف = بـلـسـم جـروح الروح نجم القلب مايبغا سـواه
الـقـلـب نـبـضـه زاد حتى صاب شريانه نـزيـف = دكـتـور جـراح القلوب إحتار في وصفة دواه
دواء فوادي طـلـت اللي لاسطع مـالـه وصـيـف = الـجـادل اللي سـاحـر الأعـيـان باهرني بـهـاه
روح الـغـلا شمس الحلا الطيب الـريـم الـعـفـيـف = اللي ملك روحـي وروح الـقـلـب ذابـت مـن حـلاه
حـلـت ليال الصيف والـوجدان ما يحتاج صـيـف = صيفه فـراق الغالي اللي لو يبا روحـي فـداه