كل ما سألتك ليه ما تجاوب=العذر جوالك على الصامت
دايم بهذا العذر تتلاعب=ولنفترض العين ما نامت
لمحه على الشاشة من الجانب=كل إتصالاتي بها عامت
ماشفتني باليوم كم طالب=لكن حسافة نفسك وزامت
مسرع نسيت الود ياصاحب=صداقتك مرت ولا دامت
ليتك صبرت شوي نتعاتب=ماكان نفسي مِنْك إنضامت
ياصاحبي قدام نتحاسب=نفسك عن الهجران ما شامت
جازيتني فالموجب بسالب=أجبرت روحي للوفا لامت
مبروك خلك دايم الكاسب=مادام روحك للجفا رامت
برحل بطيبي والله الغالب=زال القيامة بعد ما قامت
بمسح لرقمك ماني مصالب=نفسي عليً من الرجا سامت
ياما اتصلت ودوم ماتجاوب=والعذر جوالك على الصامت