يالربع منهو شاف راع الصدق لحق لخاله=مافيه حس ولا خير ياعسى مافيه باسي
غابوا زعل مدري رضا والفتى يدري بحاله=الشد يرخي والفلس خابره يطف الحماسي

يالربع هذا الرجل يسال وجيبوه بسواله= لايقعد يبابي ويكثر علينا فالحساسي

المزن خيل وانتبه ذر بيتك من خياله= لاتشغلك نفسك ولايشغلك ضرب التباسي

طلع صحيح إن الولد بالبلد ماهو لحاله=يطرد لنفسه منشغل بالطعام وباللباسي
ماسده اللي في جيوبه ويحفش في حثاله=يوم الحشر يلقا محاسب على المخلوق قاسي

اللي يعاين لقمته ماعطاها الا عياله= واللي تقاعس ياابيض الوجه يقعد فالمحاسي

الذيب حاف ومن رقد ضاع ياالطيب حلاله= والعهد والميثاق ماينقضه غير الخساسي

اليوم جاني علم والله عليمٍ(ن)بالرساله=راع الصدق عينه بجاره وطامع بالكراسي
مدري مشحه فيه وإلا يخطط للنذاله=سلك الكهارب لن تقارب يعقب للتماسي

هات الخبر والعلم يااللي متابع للوكاله= اثرك ياجابر مع الناس مطنوخ وسياسي

اليا انتهى شهر ابتدى شهر ويدلك هلاله= احسب حسابك وانتبه لايخادعك النعاسي

كنت أتمنى تأخذ أنته على البيعه دلاله=لكن حظك واضح إنه مقرط بالفلاسي
مابه فؤائد يارفيقي من عيال الثعاله=هذا زمان البس والذئب رافق للبساسي