جيت أدور للوليف اللي سبأ قلبي وغادر=ما لقيته وإنقلب حلم اللقا بالروح ياس
آه من جرحٍ بقلبي يشبه لطعن الخناجر=جرح ينزف مأحد جاني قال لي ماتشوف باس
من غرام اللي هواها يشبه لطعم السكاكر=يكفي إني قد شربته سم معسولٍ(ن)بكاس
لا يهمك غيب عني بذكرك وأظل فاكر=إنك أغلى من حياتي والذهب وعقود ماس
أذكرك في كل لحظة بالمساء والصبح باكر=أذكرك لو كنت وحدي وأذكرك في جمع ناس
حيثك أغلى من عيوني بالحسن والذوق نادر=جامعٍ(ن)كل الفضايل مالها حد ومقاس
ملهمتني بالقصايد صرت لك راوي وشاعر=حافظٍ(ن)كل القوافي والطباق مع الجناس
القصايد لن تناحت يمها قامت تفاخر=كل طاروقٍ(ن)يشوفه راس ما يعلاه راس
هي تفاخر بي وكلي للغلا ممنون شاكر=ياغصون الوصل عودي للخضار عن اليباس
جيت أدور للوليف اللي سبأ قلبي وغادر=ما لقيته وإنقلب حلم اللقا بالروح ياس