البدو متعتها بشبة نارها ودلالها
 

السلام عليكم ورحمة الله هذه قصيده القيتها بمناسبة احتفال الملازم عبدالرحمن بن محمد الثبيتي
بالترقيه

قربني السبحه يامشعل و الدفاتر والقلم =
------------------------------واقرب من الدله وصب ومد لي فنجالها
الكيف يشرح خاطر العمسان ويشيل الضرم=
------------------------------و البدو متعتها بشبة نارها و د لا لـــها
انت اتعرفني لا نصاني علم واللازم لزم=
-----------------------------ما اجيب غير الجزله اللي وفياً مكيالهــــا
كل مادعاني واجب الاصحاب حثيت القدم =
------------------------------ناسً تواصلني فانا واجب علي وصالها
والدعوة اللي شرفتني من زميل ولد عم=
---------------------------------تعنيلي الشي الكثير وحق يوم اعنالها
سلام يارجلً دعاني مرحبا يامن قدم =
----------------------------من الضيوف اللي لفوا لثبيت وسط حلالها
ترحيب مني باسم ابو فارس لضيفانه يعم=
----------------------------اقولها و معزب الضيفان قبلي قالـــــــــها
حضوركم شرف كبير بحق رجالً عزم=
------------------------------يا مرحبا عداد مايمطر غزير خيالــــها
وارجع وازف التهنيه للمحتفابه واغتنم=
--------------------------الفرصه اللي تيحت ونادر تصير امثالـــها
مبروك الك يابو محمد وانت رجل ومحترم=
-------------------------تستاهل الرتبه وجاتك والسعد يبرالـــــــــها
انا اشهد انك كفو للرتبه وميزتك الكرم=
-----------------------لو منت كفو المكرمه مالبسوك ابدالـــــــــــها
ولاك للدين وبلادك والقياده والعلم=
------------------------حيثك من رجالً تصادق قولها بافعالــــــــــها
عتيبه الهيلا لهم تاريخ وفعول وعزم=
------------------------وانته من عيال الحرار ومنزلك منزالــــــــها
عدوهم يلطم وخاطرهم يكرم بالشحم=
--------------------------واهل المراجل فوق منهجها مسير عيالها
اللي يحاربهم قتل واللي يسالمهم سلم=
-------------------------دخيلهم ينجو وشجرتهم يضل اضلالــــــها
الله عطانا بالفعول الطيبات اوفر قسم=
-------------------------كل الفعول الطيبه حنا لها حنا لـــــــــــــها
من غير قاصر بالقبايل كلبوهم والنعم=
--------------------------في كل ديره حقها من طيبين ارجالـــــــها

رد: البدو متعتها بشبة نارها ودلالها
 

صح لسانك مدد



والنعم فيك وفي من قلت


لك التحية

رد: البدو متعتها بشبة نارها ودلالها
 

صح لسانك



ابداع غير مستغرب


تقبل التحية

رد: البدو متعتها بشبة نارها ودلالها
 

أبو مشعل


صح لسانك ياراع الجزلات


وفيت وكفيت بيض الله وجهك


لك خالص تحيتي

رد: البدو متعتها بشبة نارها ودلالها
 

صح لسانك تبقى دائما بالشعر اشهر من نار على علم

ومن الرجال اللي اذا قالت الشي وفته بافعالها

دمت ودام ابداعك

تقبل مروري

رد: البدو متعتها بشبة نارها ودلالها
 

صح لسانك



جزلة من شاعر معروف بالجزالة


وفقك الله

رد: البدو متعتها بشبة نارها ودلالها
 

صح لسانك مليون ولا يكفون



ابدعت وامتعت وبيض الله وجهك

رد: البدو متعتها بشبة نارها ودلالها
 

صح لسانك مدد ماهو عدد



ابدعت لله درك

رد: البدو متعتها بشبة نارها ودلالها
 

صح لسانك مليون ولا يكفون




ابداع شاعر متمكن

رد: البدو متعتها بشبة نارها ودلالها
 

صح لسانك واعتلا شانك




جزلة من جزل



لك خالص التحية