يامرحبا واهلاَ هلا ياسيد تلعـات الرقـاب=تفضلي بين الضلوع الحانيه واهـلاً هـلا
أصك للهجران باب أفك لهـل الـود بـاب=وان قلتلي قلبك سلا والله(ليبطـي)ماسـلا
هذا الجواب انكان تبحث يالغلا هذا الجواب=سبع العجائب فيك مجتمعه وثامنهـا الحـلا
أرهقتني واتعبتني مابين صـدك والغيـاب=وهزمتني وأنا الشجيع اللي يهابونـه مـلا
أعميتني وأسقيتني من صدك انواع العذاب=أهيم في وادي الرشا واحيان في سبت العلا
حالي نحل يابو عسل والنفس داخلها أكتئاب=أرحم خفوقٍ ساقته يمـك مجاديـف الغـلا
مابين جرعات التغلي والتغطرس والغيـاب=أنا دخيلك مد وصلك واعلن اقـرار الـولا
قدام تذبحني وتنهيني ضحاضيح السـراب=اللحق عليه لآتخليني عشـا ذيـب الخـلا
وانكان ناوي ترسل سهوم الجفا والانسحاب=الله معك مسموح يمكن روّحتك دفعـة بـلا
أنا مكاني مرتفع بيـن الثريـا والسحـاب=بين الثريا والسحاب ألـي مكـان ومنـزلا
يحّرم عليه طردت المقفين لو النور غـاب=تمنعني أسلّوم الجدود وسلّمنـا علآ-عـلآ
أنا سلايل عزوةٍ دايـم يهـدون الصّعـاب=كم واحدٍ من فعلهم عن حلتـه قـام وجـلآ
هنا جوابي كااان تبحث يالغلا هنا الجـواب=روحي وطرد المقفيه عيـبٍ عليـه يامـلا