الليله الشعر كاثرةٍ(ن)هواجيسه!!=الفكر يجمح وعقلي شفه يكضه!!
بن القوافي على اللاظي محاميسه!!=والفكر يجمع جنون الشعر ويفضه!!
هاجت على القلب ياشعري أحاسيسه!!=مثل الضواري تناهش فيه وتعضه!!
ذكرت خلٍ(ن)فتن قلبي نواعيسه!!=غضٍ(ن)غضيضٍ(ن)وروحه بالدلع غضه!!
أشعل بقلبي غرامه من مقابيسه!!=وأقفى بعد كل حسى بالهوى رضه!!
ياكبر حبه بقلبي كيف بيقيسه!!=ماني مبالغ بطول الكون في عرضه!!
الحظ منحوس حنا من مناحيسه!!=والظاهر إتفق حظي على حظه!!
حال القدر بيننا صرنا محابيسه!!=وأرواحنا بالهوى والحب مكتضه!!
تفرق الشمل صارت عيشه تعيسه!!=أشواقنا بالصدور تموت معترضه!!
الحلم صارت صحارينا مغاريسه!!=وقلوبنا من وجعها جا لها جضه!!
بعد الهنا بنكنا صرنا مفاليسه!!=أفعالنا ما تغطي للأمل قرضه!!
رصيدنا منتهي من عقب تكديسه!!=ولى زمان الذهب والمأس والفضه!!
ضاعت وضعنا بليلٍ(ن)حال غطليسه!!=دون التلاقي وصار البين هو فرضه!!
طوى حبال الوصال وحاسني حيسه!!=مشاعري والفكر والحال مختضه!!
الليله الشعر كاثرةٍ(ن)هواجيسه!!=الفكر يجمح وعقلي شفه يكضه!!