عبدالإله القبوري 05-02-2012 10:06 PM مـجـــاراة   هذي مجاراه بيني وبين الشاعر:فهد بن مقبل بن ثعلي العضياني ويقول فيها. انا يالقبوري والله اني طويل شبوح ==========امد النظر قدام والنيه النيه امد النظر واخايل البرق يوم يلوح ==========وانا هاجسي يشعاه تسعين جنيه حلالاه يا مسراً يقرب وليف الروح ==========يقرب وليفٍ ماسكن فـالسعوديه وليف يداوي علة الهايم المجروح ==========يداوي محبٍ بيح الحب خافيه محبٍِ يبا قربه وشوفه بدون اشحوح ==========يضمه على صدره ونار الغلا حيه وعطر المحبه بين بيض القلوب يفوح ==========ولا تسمع الا كله هرجه بحنيه هذي والله اللي عقبها خاطري مشروح ==========والاوضاع تصبح كلها ميه الميه والاياحمام الورق ياللي تجر النوح ==========تجره طرب ولا تجره لاعانيه اليا قمت تعزف صوتك الهادي المبحوح ==========تحرك همومٍِ داخل القلب منسيه ابي ان كان تم الوصل من خلي المملوح ==========تغني وتزعج باللحون الغراميه ولن كان ماتمم وزاد الجروح جروح ==========تجر اللحن وتجر فالقلب مرثيه وهذي مجاراتي لــه الا يالعضياني زمنا عيونه لوح ==========له اسنين شاين يلحق الكيه الكيه وانا مثلك اشكي من فراق الغضي وانوح ==========واغني عسى عقب البطا تقرب الجيه فراقه على حالي مبين بكل وضوح ==========والانظار ترقب جيته كل عصريه ترا يالغضي مالك ورا كيتي مصلوح ==========ولالك مصاليح على الصد موليه والا ياحمام جر الالحان فوق الدوح ==========لحونك تنزل دمعتي فوق خديه اليا قمت ترثي فالعضياني المجروح ==========اسايلك بالله جر مرثيته فيه وسلامتكم,,

صاحب المعالي 05-02-2012 10:41 PM رد: مـجـــاراة   الله الله صح لسانك ولسانه صوت وصدى

المستشــار 06-02-2012 01:56 AM رد: مـجـــاراة   صحت الالسن والقوب ابداع من الشاعرين

نجم العرب 06-02-2012 02:01 AM رد: مـجـــاراة   رائع صوت وصدى متجانس صحت الالسن والقلوب

الأشقر 06-02-2012 10:45 AM رد: مـجـــاراة   صح لسانك مدد ابعت لا هنت تقبل اعجابي

القنـــــاص 06-02-2012 01:06 PM رد: مـجـــاراة   صح لسانك مليون ولا يكفون ابداع شاعري

عبدالإله القبوري 07-02-2012 12:32 AM رد: مـجـــاراة   الجميع صحت ارواحكم وابدانكم ولاخــلا و لاعـــدم

قوي البخت 09-02-2012 12:47 PM رد: مـجـــاراة   صحت السنكم صوت وصدى تقبل مروري

عبدالإله القبوري 29-02-2012 01:48 PM رد: مـجـــاراة   قوي البخت صح كلك ولاخلا ولاعدم

الساعة الآن 01:55 AM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir

الحقوق للقوافـل العـربية: جوال الرسائل 966553850455+

a.d - i.s.s.w