ياكبر صبري على دنياً تبذ الخفا = كم حاولت يوم تغريني وانا الها عصيت
تدعيني المغريه واقول لله كفا = لوطعتها ما خذيت مع الرجال وعطيت
اصبر النفس والقالي بصبري شفا =وان زادة الحاحها لكتاب ربي قريت
لاشك انا والصبر طول الزمان احلفا =هو مسندي بعد ربً له دعيت ورجيت
خويي اللي عن الهقوة ماعمره هفا =ياما لمحصوله الطيب بكفي جنيت
والله ما انوخ ركابي فوق صم الصفا =ماهو بانا اللي ليا جات اللزوم اختفيت
من خصه العلم ماله عذر لو هو نفا =ماتعذر اللي تبلغ قولته مادريت
في كسب الامجاد رجلي ما شكت من حفا = ولاني بندمان لامني لذلك سعيت
اللي عطاني بوجهه ما عطيته قفا =ومن صد عني بصلب صحبته كمبليت
لا مشكله لا وفيت وصاحبي ما وفا = المشكله لا وفالي صاحبي ما وفيت
والله ما اكافي المقبل بصدة جفا = وانا عتيبي وابن ثابت وربعي ثبيت
ربعي بطول الليالي ضوهم ما انطفا = حزنا على المجد والنا خير سمعة وصيت
نكرم الضيف والعاني لامنه لفا =جل الكرم منزرع ببيوتنا بيت بيت
ون كلف الرجل منا بالصعاب احتفا = قال ازهلوها وانا كفواً لها بعد جيت
ان بارز القوم فاز ولن ولاهم عفا= يقول لاسراه انا لله عنكم عفيت
هذه وصوف الرجال اهل الكرم والوفا = الله جعلها نصيب لكل ربعي ثبيت

في كسب الامجاد رجلي ما شكت من حفا
ولاني بندمـان لامنـي لذلـك سعيـت
اللي عطاني بوجهـه مـا عطيتـه قفـا
ومن صد عني بصلب صحبته كمبليـت













أجدت في رسم المشاعر

هكذا نحن ..


وهكذا الـ طرف الآخر لا مشكله

وحين نكون لاشئ


ولانملك إلا أن نهتف بـِأحرفنا



لا مشكلة




صح لسانك لاهنت


دمت متألقااا