ياليت عمري خمس وأن أسمي سعود=وألعب مع اللي يلعبـــون الأتاري
حتى أن خسرت يضـمني ناعم العـود=وأن أنتصر يلمني بأنتصاري
وألعب معه وألعب ولافيه منقــود=طفل ٍ لهى باللعب وقت العصــــاري
مع خشيف ٍ بالخجل عني يحود=خـوف ٍ على السمعه يخاف المباري
لهى مع الطفل المدلل مع الخود=وبه أعتنى باللطف ماهو أجــباري
ولاهو عليه أدري لي العلّم ماكود=أخوه ولد أخوه ماني بداري
فرقّه عشرعليه ماجابها زود=خمسة عشر ويعيش جو ٍ حضاري
أركى على قلبي سهوم ٍ من السود=وأقفى وخلاني من الصبر عاري
ولو مت أنا يأهل الهوى كونو شهود=مابي حدٍ ياخذ من الترف ثاري
العفو من شيمة هل الطيب والجود=وأنا أتخذت من السماحة شعاري

الشرع فوق الطفل ما يقيم الحدود=خصٍ(ن)ليا كانت لعوب وهذاري
من شائبٍ(ن)رمى على النار بارود=يبي يسوي بالغرام إنتحاري
زايد بعد يا أصحابنا ما غدا عود=وده يصيد مع الصقوري الحباري
وده يعود لقبل لكن ما يعود=اللي مضى من عمر يوم المساري
وده ليا هبت على روحه النود=يصير سبعٍ(ن)مثل ما كان ضاري
يلعب مع التلعات والحبل ممدود=يرقص لهن بسيوف وإلا شباري
طفلٍ(ن)يبي يلعب ولو حوله قعود=وليا غفل وال البني إستداري
يسبل العينين ويقز الإنهود=يداعب شفاهٍ(ن)غشاها الحماري
وأنا أعتقد ماهو على اللعب محدود=لكن باقي بالقلوب الخضاري
صدره من اللي شافت العين ملهود=والكبد فيها من القديم إنكساري
ناوي يسج الرجل والدرب مسدود=والليل مظلم من يشوف بغداري؟
سحاب مقفي لو لمع برق ورعود=ماهو بمروي يابسات الصحاري
لا تشرب الا عد ماهو بمارود=ترى الشراب الهمج يخر صفاري
وإن مت يا زايد ترى اللحد ملحود=هذا قرار الموت ماهو قراري
ما به أتاري داخله داخله دود=وأُما لجنة خُلد والا لناري

المشاركة الأصلية كتبت بواسطة كيف أنساك (المشاركة 139399) صـح لســانك يــ بن هليــل أبــدعت ولايهــون المــري

صحت السنكم ولا هنتم



سعدت بحضوركم وتعليقاتكم


لكم خالص تحيتي

صحت السنكم ولا هنتم



سعدت بحضوركم وتعليقاتكم


لكم خالص تحيتي