تقولونه وأنا أقول الله اللي يصلح الأحوال=علومٍ(ن)بينكم مابين ناقضها وفاتلها
عتاب أقراب والأحباب لا عايل ولا عيال=وكلٍ(ن)في حياته شاعب لروحه وناتلها
ولد عمٍ(ن)نسيب وبينهم حالت سنين طوال=غريبة يازمن ليه البشر تقطع تواصلها
ليا عز الوصل ذا لحين بعد الموت صار محال=لكن الوقت والأيام ياكافي مشاكلها
يقولون الرحم تشكي على المولى من الإهمال=قطع ربك لقاطعها وصل ربك لواصلها
ترى ماهو بباقي للنفوس الا حسين أعمال=ولن شانت حياة العبد وش فيدة عمايلها
ترى ما ينفع بن آدم بذا الدنيا حسن منزال=ياكم قبلنا من ناس ما فادة منازلها
وحكمٍ(ن)غير حكم الله ولو طول يبا ينزال=لكن الناس بالدنيا كثير اليوم غافلها
وأنا أقول الرجال الطيبة ما تعصي العقال=تعود للطريق السمح والزينة لفاعلها
نهايتها ترى الحكمة جلية والجدال جال=عريبين الجدود سباع تعرف من مداهلها
يشدون الحمول ويعدلون الحمل لامن مال=يعزون البيوت اللي ظليلاتٍ(ن)ظلايلها