للشعر موعـد فـي لقـاء المحبيـن=مايرتبك والكحل مـن عينهـا سـال
والفكـر لانامـت عيـون القوانيـن=يصحى القلم ويدون آمـال الابطـال
والليـل للعـشـاق ورد وبساتـيـن=وانتي حضورك غير في كل الاحوال
ياساكنـه فالقلـب بيـن الشرايـيـن=اهلاً وسهـلاً جيتـك تشـرح البـال
كل القصايد في حضـورك عناويـن=وانتي قصيدة حب والشـوق مـوال
من دمعتك يطلع ذهب صافي وزيـن=ومن ضحكتك يابنت ضحكات الاطفال
قولي وانا احقـق لـك الـي تمنيـن=بس اطلبي واليـوم تحقيـق الامـال
قالت وهي تامر على الراس والعيـن=يكفيني انـي ساكنـه قلـب رجـال
في ذمتي يابنت واحلف لـك إيميـن=مايسكنه غيرك قصر عمره او طـال
في ذمتـي يابنـت وانتـي تعرفيـن=اني معـك وافـي ولانـي بمحتـال
انتي ملكتي قلـب صـادق بشيئيـن=بالحب والاخلاص ماهـو بالامـوال
والحب والاخلاص يبقى علـي ديـن=اسـدده بالشعـر والحـال والمـال
ودايم مناجـاة الغـلا بيـن الاثنيـن=ترفع مقـام الحـب وتقـوي الحـال
والشعر حاضر فـي لقـاء المحبيـن=بس آمري ويجيك من راس رجـال

يقول غانم للشعر صار حظين=غانم وملهوف الحشا للشعر مال
قام يتهيض من غرام المودين=يصب له فنجال ويمد فنجال
يدق صدره للوفا قلت نعمين=ما غير غانم يرتكي لثقل الأحمال
من عزوةٍ رجالهم كنه الفين=من ماضي الأيام وافين الأفعال
تهابهم بالوقت حتى السلاطين=مثل الأسود ذياب مع كل مدهال
مير الهوى ملعون هز الملايين=حطم قلوبٍ(ن)قاسية مثل زلزال
لا هزل له قطرٍ(ن)من الأرض بيشين=حتى الجبال تصير ما كنها جبال
والمشكلة الحب لن عابه البين=ياغانم اقرأ له تبارك والأنفال
ترى الدجيما مات موتة مساكين=ما فادته قصائدٍ(ن)عذيه جزال
شوف الحيا وإتبعه خل المقاطين=ترى الحيا يحييك حلٍ(ن)وترحال
ياللي تجر الصوت بزين التلاحين=قال المثل ياذيب: للخيل خيال
لا من قنيت إقن الحرار المزيين=ولا من غزيت إغز بعطيبات الأهوال
لا تجالس إلا شيخ تكسب براهين=ولا ترافق إلا من عريبين الأخوال
وأحسن حصانة للفتى يحفظ الدين=والبعد عن موطن يقربه الإذلال

صحت أبدانكم لا هنتم جميعا



سعدت بحضوركم


لكم تحيتي

صح بدنك ولا هنت


بعضا مما لديكم

لك خالص تحيتي