همس لها نبضي من الشوق صادق=قالت:أخاف وقلت:مما تخافين
قالت:بعيد وبيننا بعد فارق=حولك كثير من البني المزايين
قلت:إسمعي ما جيت شايل بوارق=جيتك وفا لن كان مثلي بتوفين
قالت:صبر حتى تزال العوايق=قلت:أنطرك لكن متى تردين؟
ترى الهوى يابنت للقلب حارق=قالت:أعرف وقلت:شنهو تعرفين
قالت:أعرف إن الهوى حيل سارق=ياما سرق لقلوب ناسٍ(ن)محبين
وياما هلك لأجله من الخلق عاشق=محدٍ(ن)سلم حتى ملوك وسلاطين
لكن سؤالي كان صادق وواثق=وشلون أنا من بين كل الملايين
إخترتني وتقول بالعشق غارق=وأنا بعد ما شفت منك براهين
قلت:إسمعيني زين ماني ببايق=ما جيتك أتسلى ولا أبي تسلين
لقيت فيك أوصاف والرمش زارق=أصابني والحب من نظرة العين
طبعي وطبعك بالليالي تطابق=قالت:أكيد وقلت:بعدين تدرين
قالت:ياويلي منك مجنون فايق=قلت:الجنون فنون متى تجننين
قالت:ما يبغاله جدال وتخانق=بصير أنا وإياك مثل المجانين
قلت:أسرعي ترى الليالي تسابق=قالت:صبر بجيك في ظرف يومين