القوافل العربية - * الطفل الجريّد والوداع الأخير ...

القوافل العربية (https://www.alqwafel.com/vb/index.php)

- قوافل قصائد الأعضاء (https://www.alqwafel.com/vb/forumdisplay.php?f=14)

- - * الطفل الجريّد والوداع الأخير ... (https://www.alqwafel.com/vb/showthread.php?t=17214)

صانع الكلمة

31-10-2011 10:14 PM

* الطفل الجريّد والوداع الأخير ...

ليتني ي(الجريّد ) في مكانك مريض
وانْعم بْحضن شيخٍ أبيض الكف امير

من محبّتْه اغنّي وانثر احلى القريض
مايموت الكرم في دمّنا هو أسير

لاتقولوا رحل سلطان وشْ ذا النقيض
كيف يرحلْ وروحه بيننا هي تسير

كيف يرحل ونوره بالسّما له وميض
ماتحَجْبهْ غيومٍ طول عمره ينير

منذهلْ مرتعبْ ياليل عيني تفيض
دمعة الحب وقْفَتْ للوداع الأخير

كلّما قلت أحلم في منامِ بغيض
واقع الحال صحّاني وحاله مرير

آه يالبسمة اللي روّضت كل غيظ
ما لها إسم ثاني غير نور البشير

تستنير الليالي منك وتْصير بيض
واسْألوا الدمعة اللي في عيون الفقير

آه من آه بعد الآه حزني عريض
رحمة الله على سلطان جَبْر الكسير

ي(الجريّد) أنا اشْهدْ إنّك انت الحظيظ
منك كل الخلايق من ولَعها تغير

الكابتن

31-10-2011 10:53 PM