ياراعي الصدق هات الصدق لا تذخره=وإن كان جنبت ماني قايلٍ(ن)ياكذوب
الحج قرب وش اللي ناويٍ(ن)بعشره=الموت مقبل وعندك فرصةٍ(ن)توب توب

جيتك يابتال راع الطيب مانحقره= وانا من اهل الوفا والصدق فخذ الغروب

نويت صوم العشر وضحيتي ببقره= والله سميع مجيب وغافر(ن) للذنوب

يامرحبا بعد جيت الطيب لا تنثره=منته براسٍ(ن)فخذ والسر جوف القلوب
أخاف صومك ما يقبل ياوليد المره=والا يجيلك عذر تأخذك بعض الدروب

الطيب نعرف هله والجمر للمجمره= والنار من قدحة زنودي تزايد شبوب

لولا ثمار الشجر ماشفت فيه شجره= لكن نظارة الاطمش وراها عيوب