قبلك وبعدك شافت العين يا ما=لكن محدٍ(ن)بالخلايق أسرها
إلا أنت ياللي مثل ريح الخزامى=ياساكنٍ(ن)عيني ومشبع نظرها
أشوفك بصحوي وعند المناما=لأجلك عيوني ما تفارق سهرها
يامالكٍ(ن)روحي عليك السلاما=تفداك روحٍ(ن)الهوى لك سحرها
كل ما ذكرتك نحت نوح الحماما=والعين هلت دمعها هو مطرها
حبك وصل فيني لصم العظاما=عوج الحنايا ياغرامي نخرها
صارت حروف إسمك جميع الكلاما=قلبي طيوفك في عروقي نشرها
تهناك روحي والمشاعر وساما=أنت الهنا للروح وأحلا سيرها
أهواك ثم أهواك لين الختاما=يانبض روحي بالليال وقدرها
أنت الهوى من بد كل الأناما=يا زهرة أيام العمر يا ثمرها