تطمني الوضع ماهو بعادي=قصايدي يجي بها لهف وعتاب
شاعر وأسج الشعر مع كل وادي=شيءٍ صحيح وشيء ما قول كذاب
يمكن يلامس جرح داخل فؤادي=اللي شلعهن بالجفا سيد الأحباب
بعد سكن بالروح وأوثق قيادي=وأسكنته بعيني تحت ظل الأهداب
أعلن جفاه وصرت كني معادي=حتى الوداع إستكثره وأقفل الباب
نسي مواصلنا وبيض الأيادي=قطع حبال الوصل ما بين أسباب
مدري وش اللي محوجه للبعادي=من بعد صرنا أحباب وأقرب من أقراب
أحرم عيوني تهتني بالرقادي=بعد المدة صرت من ضمن الأغراب
هذا سبب نوح القصيد ومرادي=من يوم غاب القاف من غيبته شاب
لبس ثيابٍ(ن)سود وأعلن حدادي=ما عاد شعري مثل ما كان جذاب
دامه بعيد وحط دونه بلادي=خل القصايد بعد روحته تنعاب
زوده ونقصه ما خبرناه فادي=ماأحدٍ(ن)بنا له مجد من كلمة إعجاب
والا أنا ببقا زعيم العنادي=عزيز نفس ولو غدت لأجل رقاب
من قبل أعرفه ما حدتني حوادي=وبعد عرفته دوم للعز كساب
قال المثل:هذاك راع الشداي=وإن حدني وقتي على الدم شراب
والله مترك يوم صهوة جوادي=وأسجد لرب العرش في كل محراب
ماأسجد لغير الله رب العبادي=كل شيء في دنياي حاسب له حساب