ياللي تقول إنك كما النار والع=وأنته يدينك غاطسه داخل المي
وشعرفك يا صاحبي بالمواجع=ومن لا يدوس الجمر ما يعرف الكي
لو كنت صادق ما نصبت الموانع=بيني وبينك يوم مديت ليدي
قلت:الدوا عندي ترى السر باتع=إشرب هنا من نبع وإرتاح بالفي
قبل تجرب قلت:ماهو بنافع=أصدرت حكمك قبل ما تعرف بشي
والظاهر إن القصد كله تنازع=ليا شفتني وافقت في حاجةٍ عي
نمشي دروبٍ(ن)مالهن تقاطع=عبر صحاري مابها مطعم وري
ماني براجع وأنت منته براجع=حتى يبان النور وتشاهد الضي
ولا تحسبني فيك يا خي طامع=لا والذي سواك يا خي يا خي
يمكن تحول سالفتنا لواقع=قال المثل:لابد ما يلتقي حي
في حينها بذكرك بالمراجع=حتى تعرف الزين وتميز السي
وليا إنتهينا من جميع الترافع=اللي مضى من عمرنا ينطوي طي
وأقول:انا مثلك كما النار والع=لو كنت كلي منغمس داخل المي

يمكـن تحـول سالفتنـا لـواقـع
قال المثل:لابـد مـا يلتقـي حـي
فـي حينهـا بذكـرك بالمـراجـع
حتى تعرف الزيـن وتميـز السـي