متى نحضى بشوفك يامناي وغاية المطلوب= تطفي حرقة الهجر المريره ساعة وصالي
تعيش قلوب بالوصل ومن الفرقاء تموت قلوب= لاتقتل قلب من حبك وتفقد قدرك الغالي
وانا لاشافت عيوني عيونك من غلاك اذوب = اقاوم مير سهم العين للعشاق قتالي
يسكرني رحيق اشفاك يوم اخذ منه مشروب = مذاق احلا من انواع العسل والسكر الحالي
طغى حبك على افكاري وصار مقدر ومكتوب = لكن امر فداك اللي تبي منحالي ومالي
اراك الغايب الحاضر ولا اقدرعن هواك اتوب = وصورتك العزيزه راسخه بالفكر والبالي
جميع الحسن في شخصك وفي ذاتك والك منسوب= جمالك بين خلق الله ماله وصف وامثالي
اوكد مايجي مثلك ولا يوجدبك العذروب = تميزت بصفات(ن) مالها لا اول ولا تالي
عطاك الله جميع الزين ماشابك خلل وعيوب= وذي وهبه من اللي نزل التوبه والانفالي
ابالغ فيك ما ابالغ بعيني هكذا محسوب = اسرك بالوصوف اكيد عذالك وعذالي
لو انك بالوعود احيان توعدني وعد عرقوب = ادور لك عذر مقبول واجدد بك امالي
عليك الله ترحم جسمي اللي ساتره بالثوب = من اسباب السهر والنوح فوقك ناحلن بالي
امنيه بلقاك اللي شموسه دايم(ن) بغروب = ولن طلعت دقائق مقتفيها عج وخيالي
تجرعت المراره من غيابك كوب بعده كوب= اضنك مثل ماقال المثل شراب فنجالي
اعذرك نوب بغيابك حقيقه مير اللوم نوب = وبين اللوم منك ومني الله يلطف بحالي
مادامي عنك في صوب ونحيه وانت عني صوب= ابا ازيد الصبر بالصبر لين الجو يصفالي