هلا يا مرحبا في مرحبا يا شمعة الشعار=يا راع الصدق وينك مختفي من دونك البيبان
يقولون العرب سعد على الطرفه يشب النار=وأنا مخبره شب النار لا راضي ولا زعلان

يدوم الك البقا ياشيخنا الغالي ياحام الدار= انا قلبي علاكم مانسيت الربع والخلان

انا خابرك ماتسمع كلام الواشي الغدار= لكنك لاتجيب علوم لين تحضر البرهان

علومٍ(ن)ثابته ومثبته ما تقبل الإنكار=علاكم شاهدين عدول ما نحتاج منك أيمان
منول أحسب إنك شيخ مصلح وأثرك المكار=مثل عملة هل المغرب لها ياصاحبي وجهان

تعرضت الدعاوي والدعاوي سيفها بتار= تصيح وتدعي بالفارغه والزور والبهتان

اشوفك شايل المسحاه تمشي من ورى القبار= ومن يمشي ورى القبار بكره يسرق الاكفان

يقولون العرب مآرب محارب سدها هالفأر=يبا يهدمه ما همه جنانه لابستها جنان
لقينا جرته بالسوق ينخش عيشة القصار=الا يافكرتي من فأر قام يماحش النيران

ترى عقلك بتال الوقت عود مثل عقل الكار= وضلع طويق ثابت ماتهزه نطحة الثيران

ترى حيلتك هذي ما تمشيها على الشطار= وانا ماهمني لو قالت الصوران والعوران