تفضل يابو مشعل والحطب جبته وشب النار= نبا نشعل حريقه لين ساعرها يشوفونه

على الزيدي وقذافي وحسني تلفت الانظار= جزاهم في لهيب النار حوف اللي يسوونه

يابو فواز مارب سدها ماهده الا الفار= لكن الوعل ماحرك طويق بنطحة اقرونه
كبير القوم تحفظ هيبته والا الصغار صغار= لو ان الاحتباس اثر على العالم بقانونه

الا يامقشره من فار طبعه فالبلد حفار= لكن ان طال وقته من رداه يفقع عيونه

صحيح اللي تقوله والبلا فااللي كما المنشار= عل الوجهين ياكل ياعميل الخير بسنونه

على شان الجمل نذبح ثلاث امية جحش وحمار= ولن قالوا عباد الله ليش انقول يفدونه
عموم الفاشلين يبررون اخفاقهم باعذار= يقولون العنب حامض ليا عجزوا يطولونه

خساره دارنا اللي راح نهبه في يد الكفار= تولوه وتغير بابه الاصلي وكيلونه

تر حتى الشجاري المثمره ماسلمت الاحجار= لكن الجذع ثابت والثمر لازال بغصونه