ياذئب ياللي كل ما جريت صوتك بالعويل = تجافت جنوبي وراح النوم واجفا مرقدي
انهض على صوتك واسج الرجل لو بنصف ليل= اسري معك مسرى يهول بالظلام السرمدي
نحث بخطانا سوا في قارعة درب(ن) طويل=بي تستدل وانا استدل بسهيل والا بالجدي
ناطا على رؤس الحيايا بالقدم والله وكيل = انته تعين مقصدك وانا اتعين مقصدي
يا ذئب انا واياك ما نشحد عشانا مستحيل= اموت وانت اتموت قبل امد للشحده يدي
رزقي ورزقك نطلبه من وحد(ن) ماهو بخيل= اقدم معي خل التردد للضعيف والردي
لاشك هقوتنا كبيره والخطر ماهو قليل= نقرب من سهوم المنايا والسلامه تبعدي
الله يبيض وجه رجل(ن) غايته كسب الجميل= والله يسود وجه رجل(ن) عن لزومه يحتدي
عضام سيقانه لجسمه بالنوايب ما تشيل= واذا نخيته بالعوافي جاك من صبح يعدي
ماحقه الا تقسمه نصفين بالسيف الصقيل= حتى تحطه عبره لمن هو بمثله يقتدي
اماوقفت بوقفة(ن) يشهد بها مع كل جيل= فضلت عن عيش الرخامه مستقري بلحدي
مادامت الدنيا لاحد وانا بها عابر سبيل=لابو حياتي كان ما للطيب كرست جهدي
الرجل يخلق للصعاب وشيلة الحمل الثقيل= ماسلت سيوف القتال الا للطم المعتدي
لو شلة الحقد المقيت ابدتلي الود الضئيل= ما اوليتها جل اهتمام ولا اتخذها مسندي
لو استغلوبي مكارم من لدن فارس نبيل= مايخذل اللي يطلبه من مدة الكف الندي
عفوي عن اللي في غيابي رددوا قال وقيل= تغاضي السامي عن السقطه بعين الاجودي
وانا ادري ان اللي خلافي بالحكي تصهل صهيل= لاجيتهم كل(ن) يحلف انك تجي في مقعدي
واطالع بنظرة تعجب بالزمان ومستهيل = واقول لاجيناك ياروس الشياطين اهجدي
مازلت انا موجود انا لما تحيكونه كفيل = وان مت يمكن تطول الاقزام بالارض بعدي

المشاركة الأصلية كتبت بواسطة الرقيب (المشاركة 130548) الله الله جزالة تستحق الاشادة صح لسانك تقبل التحية

المشاركة الأصلية كتبت بواسطة الرقيب (المشاركة 130548) الله الله جزالة تستحق الاشادة صح لسانك تقبل التحية

المشاركة الأصلية كتبت بواسطة الشمري (المشاركة 130550) يا سلام على الجزالة قصيدة اجبرتني لقراءتها عدة مرات صح لسانك عساك ع القوة

المشاركة الأصلية كتبت بواسطة صادق الوعد (المشاركة 130549) الشاعر عثمان الثبيتي صح لسانك ابدعت وامتعت لله درك