اقرب يابو مشعل نبا تحليل كامل للحدث= من شان يعرف ساكن الديره بكل اخبارها

العقرب ام ذنيب جت ياصاحبي خلف الشبث= واما قضينا فوقها هلكت بشر فديارها

اقرب وتلقى شاعر(ن) عن واجبه ماقط لث=والله يبارك في رجال(ن) ما تطفي نارها
النارتوقد من شرر والذئب ماهرول عبث= عند الحرايب كل فرقة تعتزي بانصارها

الموقف الغصاب يجبرنا نحث السير حث= وانته كفو لكن حث الخيل في مضمارها

حنا هل الثوب الجديد ولا لبسنا ثوب رث= وام الكباير يارفيق الجنب نلعن عارها

اشره على اللي كل ماعاهدك بعهوده نكث=اهل المدينه ياسعد مايهدمون اسوارها
دار الدهر ياصاحبي محد بواديها مكث= دامك حزامي ماحسبت صغارها وكبارها

اللي نكث عهده يبا يلقى الجزى يوم البعث= واهل المدينه نايمين ولا دروا عن فارها

ابليس الاعور حول نار البدو يشعثها شعث= ليا خبت نار البدو زاد الحطب بوجارها

اللي توفى ويش عقب للوريث اللي ورث= من امس اشوفك تضرب الارض ويطير غبارها
خالك ليا منه قرا ورده على الغاوي نفث= والبندق اللي في يده ماقط فل عيارها

اللي توفى راح واللي حي غث الكبد غث= والحب من بذره ولاتشره على بذارها

قرايتك والنفث ماتجدي على كوم الجثث= مير الجنايز مالها الا يافتى قبارها

لو فكر الزراع بالمخسار يمكن ما حرث= ولا زرع واسقى بذور(ن)ماتفيد اثمارها
كوم الجنائز منهو اللي في مقابرها نبث=الظاهر اهل الحي ما تطرب على مزمارها