يامرحبا ترحيبة(ن) ياشاعر السيل الكبير= اقولها باسمي وباسم الحاضرين اقولها

الليله الليله نباها عبر موجات الاثير= وانته تخيل المزنه اللي هل وبل ثعولها

دام البقا والله يبارك فيك ياالسيف الشطير= اسبح بفكرك ياسعد عرض الديار وطولعا
ثلاثة اشهر مهلة(ن) مني بعد جاك النذير= انته تكابر لين جتك القوم فوق خيولها

عشرين عام الم شمل الربع وارجي كل خير=وانته تبا طش العرب بعد اجتمع محصولها

القصر قصري وانت مالك لاقليل ولاكثير= والله ماتنفعك من حطتك جوف حثولها

عشرين عام تجمع المحصول من بر وشعير= حتى البلد باسبابكم بغت تشد نزولها
العوجه اللي واضحه للعين برقبة البعير= كل العباد تشوفها وشعيل ماهو حولها

كنت احسبنك ساعدي واثرك شر(ن) مستطير= تصرفات الناس تنبي وش خطر بعقولها

ترى غضيب الوالدين اما انتهى في زمهرير= مار اعلن التوبه قبل نار(ن) يروع هولها

نبا نصبحكم صلاة الصبح بالجمع الغفير= حنا رجال الحرب كانك تدق طبولها
الموت جايك منت لاقي لامفر ولامطير= المشكله كبرت ولا تقدر تجيب حلولها