على منبر تخاريف الأمل والحلم صاح الشوق=بنبرات الأسى والحزن من جرح البعد والصد
يناجي طيف محبوبي بصوتٍ(ن)يشبه المخنوق=صداه يلج بسموعي ليا منه علي إرتد
يزيد الجرح جرح لا رجع ما رد لي منطوق=ولا جاوبه من ناديت لا حاضر ولا بالغد
حسافه هو نسي ولا تجاهل حالي المحروق=وسكر بيننا حتى الفضا وأقفل قناة المجد
وأنا فكري بعد فرقاه عيا بالليال يروق=غرامه كل ما حاولت أسلي خاطري يشتد
ذبحني بعد مضنوني وزاد الصد عوقه عوق=أصارع للجروح اللي على كبدي سواة اللهد
ليا مني تذكرت الحسن بالعود والمنطوق=تسابقني دموع العين همالة بسفح الخد
أحبه وأعشقه وأهواه حبٍ(ن)قبل مو مسبوق=أحسه قطعةٍ(ن)من قلبي اللي محرقه بالوجد
أنادي طيفه بليلي وأنادي عند كل شروق=أناديه بفصولي كلها من صيفها للبرد
على منبر تخاريف الأمل والحلم صاح الشوق=بنبرات الأسى والحزن من جرح البعد والصد

عاشقة القوافي


الأروع حضورك وردك العذب وزاده جمالا كونك أول من يباشر بالرد بلحظة نزول الأبيات

شكرا لك لا عدمت حضورك

لك خالص تحيتي