صفحة 1 من 3 1 2 3 > عرض 40 مشاركات من هذا الموضوع لكل صفحة

صانع الكلمة 15-05-2011 12:26 AM * إنتي الوحيدة *   بلا جنحان أسافر طايرٍ لا شفت عينك تعليني رموشك فوق غيماتٍ بعيدة تسيّرني وتلعبّي وتحملني ظنينك وتهزم قلبي اللي عايشٍ بك في وريدة واسافر آه يامَحْلى السفر وانا رهينك أسافر في جنان الكون وزهورٍ نضيدة واطير بْدنيِةٍ ما شفت فيها غير زينك على كثر النجوم اللي بها انتي الوحيدة أنا ظر زينك وْأهوى عذاريبك وشينك واحط الكف فوق الخد والفرحة شديدة أنا مالي مرايا غير نورٍ في جبينك أعدّل ْ فيه هِنْدامي ولو كنتي عنيدة بدال مْرايتك ليتك تناظر في يمينك رسم نورك شعاعه في المرايا من يكيدة؟ أشوفك عقد ألماسٍ عيوني لاحقينك أنا عْيوني غَدَتْ من وجهك عْقودٍ فريدة جمع صوتك خرير الما وموجه من رنينك جمع صوت الشجر وردٍ وطيرٍ وتْغَريدة إلى منّك عزفتي غصب عنا سامعينك والى منّك سكتّي شوقنا صوتك يزيدة مسح نورك نجوم الفضا هم باغضينك ولاَ الغيمات تحجب لك قصورٍ هي مشيدة عيونك لَهْمست همسٍ عيوني فاهمينك ولو في رمشك رْموزٍ صعيبات ومكيدة أنا لك لو جزيرة من سرابٍ واصلينك وانا لك كنت ظلٍّ أو هوا لازم أصيدة

المشاغب 15-05-2011 12:40 AM رد: * إنتي الوحيدة *   ابداع صح منطوقك تقبل اعجاب

أسد العرب 15-05-2011 11:09 AM رد: * إنتي الوحيدة *   صح لسانك واعتلا شانك ابيات راقية لا هنت

نجم العرب 15-05-2011 01:14 PM رد: * إنتي الوحيدة *   صح لسانك مدد ماهو عدد أبيات راقية برقي فكرك الراقي

المستشــار 15-05-2011 01:19 PM رد: * إنتي الوحيدة *   الله عليك روعة بجد صح لسانك للرضا لك خالص التحية

binhlailبن هليــل 15-05-2011 03:02 PM رد: * إنتي الوحيدة *   صح لسانك راقية برقي شاعريتك بيض الله وجهك متابع لك تحيتي

عساف الأصائل 15-05-2011 08:16 PM رد: * إنتي الوحيدة *   صح لسانك قصيدة وافية من وافي لك خالص التحية

الحر النداوي 16-05-2011 12:19 AM رد: * إنتي الوحيدة *   صح لسانك يا صانع الكلمة سجل اعجابي بما دونت

فارس نجد 16-05-2011 08:55 PM رد: * إنتي الوحيدة *   صح لسانك قصيدة تستحق الاشادة لك التحية

الأشقر 17-05-2011 04:43 AM رد: * إنتي الوحيدة *   صح لسانك واعتلا شانك ابدعت وامتعت لك الاحترام

الساعة الآن 01:40 PM

صفحة 1 من 3 1 2 3 > عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir

الحقوق للقوافـل العـربية: جوال الرسائل 966553850455+

a.d - i.s.s.w