غربليني انثريني شتتيني اجمعيني = ياهواء قلبي وقلبي غير حبك مايريده
ازرعيني ياحياتي وفي عروقك وزعيني = يا منى عيني يانهر القلب يامروي وريده
اقطفيني بعثريني بس حذرا تهجريني = ياشتاء قلبي ياصيفه الخطأ حذرا تعيده
الغلا جسره ياروحي متصل بينك وبيني = مايحطمه الجفا لو الجفا ناره شديده
ذوبيني روبيني وإن طرالك عذبيني = طلتك نور الفواد وبلسم الخافق وعيده
اسمعيني اسمعيني آسره قلبي وعيني = آسرتني مالكتني يأم الاوصاف الفريده
لن طرالك بعدي وصدي أبيكي تدفنيني = ادفنيني بين رمان الصدر برد الوقيده
بس قبل الدفن من شهد الثغر اتشربيني = بتلذذ به لين ايحين ميعاد الوعيده
وإن برق برق الوفا أكيد رايح تذكريني = تذكرين أيام مثل الشهد ياملح القصيده
الصبر سلاح قلبي وانت قلبك لا يجيني = دام يدك قطعت إحبال تربطنا جويده
كنت أحبك أعشقك لكن طرالك تتركيني = من يبيع القلب أبيعه بيعته ترفع رصيده
ازرعيني احصديني ثم عودي وازرعيني = كان قلبك تربة خصبه لقلبي مع وريده
غربليني انثريني شتتيني اجمعيني = ياهواء قلبي وقلبي غير حبك مايريده

المشاركة الأصلية كتبت بواسطة قمر الحجاز (المشاركة 127555) صح لساك قصيدة روعة بروعة شاعريتك

المشاركة الأصلية كتبت بواسطة القشعمي (المشاركة 127557) صح لسانك ابدعت..........................................

المشاركة الأصلية كتبت بواسطة الحر الأشقر (المشاركة 127561) صح لسانك قصيدة وافية من شاعر وافي تقبل التحية

المشاركة الأصلية كتبت بواسطة البدوي (المشاركة 127584) صح لسانك وفيت وكفيت وجهك ابيض

المشاركة الأصلية كتبت بواسطة حورية البحر (المشاركة 127602) الصبر سلاح قلبي وانت قلبك لا يجيني دام يدك قطعت إحبال تربطنا جويده كنت أحبك أعشقك لكن طرالك تتركيني من يبيع القلب أبيعه بيعته ترفع رصيده رووووعه قمه في الجمال صح الساااانك يعطيك العافيه