من هو يجيب الخبر اللي يفرحني = يبشر بروحي هديه وفوقها بوسه
وإن كان روحي قليله يبشر بعيني = لكن أريده يفرًح روح محبوسه
كن الحزن في تحدي بينه وبيني = الحزن مظلم وتحرق ضربت شموسه
الرأس شيًب من الهم الذي فيني = جاه الفرج بس جاته آفة السوسه
حسبي على سوسة(ن) تأكل وتشقيني = أفة بشر ماتنوش الخوخ والكوسه
ليت الامر في يدين الصقر وأيديني = المشكله في يدين محسب فلوسه
ينخل يغربل مثل تغريبة الطيني = ما يدري إن العيون تشوف مدسوسه
لو ماللحيا والديانه وشمعة سنيني = لشب فالروح دام الروح منحوسه
الله عطاها ويعطيكم ويعطيني = ويبعد عن القلب لبس(ن) غير ملبوسه
اللي يجيب الخبر اللي يفرحني = يبشر بروحي هديه وفوقها بوسه