عسى السحاب اللي مزونه تشابه=خد الذي مبسمه يشبه سنا البرق
يسقي ديار الريم ريض سحابه=من حدها الغربي ليا حدها شرق
سواة قلبي ما سقته الصبابه=وأحرقه بعده والهوى محرقه حرق
ما صابني من جاير الشوق صابه=أنا وسيدي بالهوى ما بها فرق
أهواه وأعشق من غرامي ترابه=القلب مني والفكر سارقه سرق
ما فيه ليل الا خيالي سرابه=هواه يجري مثل دمي بكل عرق
أكتب قصيدي فيه ما من غرابه=صعب القوافي لا تغنا بها رق
فرض على شعري شموخ ومهابه=أعذب لحوني فيه لا شاقني طرق
كم ليلةٍ(ن)جريت لحن وربابه=أجر صوت بليل وأنزل معه وأرق
غنيت به يالله تحمي شبابه=الجادل اللي لجلها ناحت الورق
ليت الليال تجود تدني ركابه=تبري جروحٍ(ن)خارقه خافقي خرق
قدام لا تحتل روحي كأبه=طيفه وحلمي تزرق أرواحنا زرق
وإن كان حظي والقدر يوم جابه=بمطر سحاب ومبسمه نايض البرق