قفى وخلـى دمعـة العيـن سايحـه=والصدر ضـاق وضيـق الله برايحـه
النفس شامت ميـر عينـي عشيقتـه=لاهيـب جافيتـه ولاهيـب بايـحـه
لا جيت ابنهاهـا تعالـى نحيبهـا=وشوقي على كبدي تزايد فوايحـه
ياكيف نوم العين عقبه يطيب لـي=والروح صايبها من البعد جايحه
تسهر طوال الليل ترقب ضيوفها=لعلهـا بالذكـر تمحـي جرايـحـه
جرايحـا بالصـدر يحـرق لهيبـهـا=ياكنها نار اللي تصلخ ذبايحـه
سبايـب اللـي بالمحبـه مصيبـنـي=وعن حب غيره نظرة العيـن شايحـه
بذلت روحي فـي حـراوي زيارتـه=واثره على هجـري يخطـط لوايحـه
ياعزتي للحـب مـن جـور صاحبـي=وياعزتي للقلـب كثـرت نوايحـه
لو هو لشوفي مثل شوقي لشوفتـه=ماطـوّل الصـده وبعّـد مشايـحـه

ياعزتـي للحـب مـن جـور صاحـبـي....وياعـزتـي للقـلـب كـثـرت نـوايـحـه



الله عليك يالراقية

ابدعتي وامتعتي

قصيدة درة من الدرر


صح منطوفك وسلم بنانك