طاح الحطب ياملاويات المصاريع =
الوقت ماهوبوقت خيل وشجاعة=
لاعودت سود الليالي مفاريع =
ماللقطاعة كود وجه القطاعة=
وش غير البدوان عن ذبة الريع=
لولا عبث راعي تغير متاعة=
ماودك الترحال يبدى بتوديع=
ويشاهد الرجال دمعة ضياعة=
مرت على المظمى ثلاثة اسابيع=
عديتهن ساعة وساعة وساعة=
حيل الله اقوى يالمزون اللواميع =
طاح الدلو والبير خان الوداعة=
شتاتنا يرعاه حلم الينابيع =
وآخر محطاته فياض المجاعة=
مايعتذر للبيد شح المرابيع =
والحلم مايبنيه كنز القناعة=
ماباقي الا حفلة فراق ونضيع=
ندفع ثمن كبوات سن الرضاعة=
لاهل القلوب السود عندي تواقيع=
لامر واحدهم عرفت انطباعة=
يبنون من لحم الاوادم مشاريع=
نبت لهم من فيض دمي زراعة=
تناهشو باقصى الحنايا مجاويع=
قلب نزف تغافلوه بصراعة=
لكن وربك لانويت المطاليع=
اخذ من السرحان مدة ذراعه=
واصير لفتوق الليالي ذعاذيع=
وميعاد صلفات الهبايب شراعه=
واشرب من فتوق الليالي قراطيع=
لاجمع مزونه حضرت اجتماعه=
واشري كبيرات الهقاوي ولا ابيع=
قسمي من الشامخ سنام ارتفاعه=
اسوق عجلات المساري مطاويع=
واموت مارديت سمعا وطاعة=
علقت بارقاب الاصايل مصاريع =
ويشرف الرجال موتة شجاعة=

طاح الحطب من بعد طول المواجيع=
وارتاح من عانا بوقته صراعه=
ارتاحت قلوب من أول مراويع=
والشك زال وحان وقت إنصياعه=
جاني قصيدي والقوافي مساريع=
كلٍ(ن)يبي مني لحاله شفاعه=
ساعة قريت بيوت فيها تسانيع=
طاح الحطب بالنار والزبد ماعه=

المشاركة الأصلية كتبت بواسطة المستشــار (المشاركة 125368) الله الله مشرفتنا المبدعة صح لسانك ولسان من نقلتي له دائما تتحفينا بالمميز والراقي لك خالص التحية

المشاركة الأصلية كتبت بواسطة binhlailبن هليــل (المشاركة 125372) مشرفتنا عبير الشوق لله درك على حسن الإختيار قصيدة فيها من الأصالة والشاعرية ما يدركه الا شاعر او متذوق للشعر ويقينا كنتي كذلك واسمحي لي بهذه الأبيات الكبيوردية علها تجانس ما دونتي وتسائر قافيته ومعناه لك خالص تحيتي طاح الحطب من بعد طول المواجيع= وارتاح من عانا بوقته صراعه= ارتاحت قلوب من أول مراويع= والشك زال وحان وقت إنصياعه= جاني قصيدي والقوافي مساريع= كلٍ(ن)يبي مني لحاله شفاعه= ساعة قريت بيوت فيها تسانيع= طاح الحطب بالنار والزبد ماعه=

المشاركة الأصلية كتبت بواسطة ابن عميش (المشاركة 125376) سلمت يمينك على نقل هذه القصيده الرائعه والتي تحمل الاصاله والذوق الشعري المميز لك التحيه والتقدير