يابن معيوض ياكبير المهمات = يلي طرقت أبواب شعر المعاني
يامبعد الهزله ياراع الجزيلات = تارد وتصدر فوق ظهر السماني
أبوك وكلك وكتب لك سجلات = ويقول ياعيضه حرام تعصاني
أبيك ترفع كأس كل البطولات = وأحذر تقول الوقت طبعه حداني
وانته لها في كل ماقف وحزات = ماخاب من سلمك الرشا والسواني
بحثت في قوقل وحللت الابيات = وعرفت شعرك يافصيح اللساني
شاعر ولك فالشعر صوله وجولات = وتصهل يا بو فيصل صهيل الحصاني
ومالك ومال منظمين القنوات = لو كان مالك في بلدهم مكاني
العرف يبقى حي معكم ولا مات = وصوت مايرفع ردي المباني
والشاعر اللي كل شعره دعايات = فالماقف المعروف عشره ثماني
مرحوم ياشعر(ن) تعزيه الاوقات = من بعد ماقفا فلان وفلاني
ويالله يافارض جميع الصلوات = رحمتك يمدبر ظروف الزماني

صـح لسـانك يابــن سـنان ...