سامريني يا غرامي طول ليلي سامريني=
لا سمعتك ينجلي عن خاطري همي وغمي=
ينمسح عني غبار الوقت حين تكلميني=
المشاعر مع دفا صوتك تجدد جري دمي=
جمعيني من شتات أحلام عمري والسنيني=
وأسكبيني عطر ليلك ينسي همك وهمي=
اكتبيني في خواطر ذكرياتك وامسحيني=
وارسميني لوحةٍ(ن)في واقعك لو كان وهمي=
أكتميني سر والا لن بغيتي أعلنيني=
كل ما يرضيك سوي بعثري فيني ولمي=
إن طرأ لك تظلميني يا مناتي اظلميني=
وإن نويتي ترحميني مدي كفوفك وضمي=
سامحٍ(ن)لك غناتي بما طرأ لك تأمريني=
والك مني يا غلاتي لا طلبتي قلت:تمي=
لا فعلتي كل هذا يا غرامي علميني=
بنحر الأحزان وأبدا فرحتي معك وأسمي=
بهجر العالم وأجي لك كلي أشواق وحنيني=
بزرع رياضك ورود ليا التقى حلمك وحلمي=
سامريني كل ليله يا غرامي سامريني=
لا سمعتك ينجلي عن خاطري همي وغمي=

صح بدنك


اشكر لك ردك الطيب

صح بدنك ولا هنت



سعدت بحضورك الطيب

يسعدني كثرا حينما اجد تفاعلا مع ما ادون

وخصوصا حينما اشعر بأن الرد نابع عن تمعن بالنص

مشرفتنا الغالية

مرورك وردك اضفى على النص روعة وجمالا

لا عدمت هذا الذوق الراقي والرد الاروع

دائما ردودك راقية برقي تفكيرك

لا عدمتك أديبتنا المتألقة

لك خالص الود:g22: