يا بيادر ترى الدنيا تلف وتدور = لا صفالك زمانك اشربي من صفاه
قبل لا زهر بستانك تجيه الطيور = الليالي تدور وكل نجم بسماه
أعرف إن الزمن دوار والعلم نور = من مشى في طريقه حصل اللي بغاه
فوق بيض الورق الحبر سوى بحور = كل قلب إنغطس فيها يحصل مناه
بحر حبر القلم اشبه بريح العطور = في زمان الرعد يرعد ولا صب ماه
كم فواد(ن) نزل بحره برخصة عبور = لكن اصبح قمر خاسف فاقد ضياه
لا يهمك يانسل الحر ذبل الزهور = الزمن لو قسى لا بد يأتي حلاه
النمر مستحيل يحوم مثل الصقور = الله اللي خلق الصقر والله عطاه
السعاده في دين الله وكل السرور = من لقيها لذيذ النوم مزنه غشاه
كل مؤمن على دينه و عرضه غيور = غيرة القلب لجل الدين زادت سناه
السعاده كتاب الله وبعض الامور = الكتاب الذي يسعد منه قراه
كل مؤمن يحب الله يكب الفجور = يسجد لخالقه ودوم يطلب رضاه
العمر لو يطول نهايته لقبور = خالق الكون حدد للعمر منتهاه
رحمتك ياعظيم الشأن يوم النشور = رحمتك يالذي ما خاب منه رجاه