خمسة أعوام وخط سيري من الحويه للهفوف =أكلت من حلو الرطب شربت من عذب العيون
مرت مثل لمح البصر غابت مثل نقش الكفوف = ما باقي الاَ ذكريات الخط و طراف الغصون
كله على شان القلم والعلم و أزهار الحروف = اللي تنور كل قلب بنورها هل تسمعون
العلم شمسه مشرقه لو ناشها بعض الكسوف = ما يختلف نبته مدام شعاعها في كل كون
لكن طبع القلب بعد العلم يبحث عن هنوف = تكون صيفه في شتاء قارص و تروي لظنون
حورية العينين ريانة خصر نبع الوصوف = تجلى سواد الحزن لا غيم على القلب الحنون
صوته يهز القلب كيف اليا حصل صوت(ن) وشوف = يذوب من زود الفرح سواة بردية مزون
كف العطا لجل الغلا مكتوب ممنوع الوقوف = حذرا يوقف العطا ويغيب براق الجفون
الخل مثل المال يحيي نبت طاح من الوقوف = تزهر غصونه عقب كانت يابسه مثل الصحون
المال بنزين الفواد ليا وصل ناش البلوف = تحركة مكينة القلب المحمل بالديون
الكلب ليتر اختلف وزنه ودب القلب خوف = لن الشرار من البواجي زاد ياللي تعرفون
المال زينه لكن التقوى تغني عن الوف = مخافة المولى غنى لنفس سيف الراكعون
خمسة طيور ليا لفت للقلب ماجاه الخسوف = العلم والتقوى ومال أيْعيِش وخل وبنون
يرتاح بال اللي جنا الخمسه على متن الرفوف = رفوف جوف القلب مخفيه عن اللي يحسدون
يالله ترحمنا ليا صرنا وقوف بلا سيوف = رحمتك ياللي خيرة الابرار لجلك يسجدون

المشاركة الأصلية كتبت بواسطة binhlailبن هليــل (المشاركة 120463) يا سلام يا سلام صح لسانك معبرة لا هنت لك تحيتي

المشاركة الأصلية كتبت بواسطة عساف الأصائل (المشاركة 120475) صح لسانك وافية من شاعر وافي تقبل مروري

المشاركة الأصلية كتبت بواسطة أبو ناصر (المشاركة 120477) صحّ لسانك أخوي الذيب قصيدة جزلة منك وكعادتك مبدع فيما تدون تقبل تواضع مروري

المشاركة الأصلية كتبت بواسطة الحر الأشقر (المشاركة 120488) الله الله صح لسانك لك التقدير

المشاركة الأصلية كتبت بواسطة نجم العرب (المشاركة 120508) الذيب صح لسانك وافية لا هنت

المشاركة الأصلية كتبت بواسطة الرقيب (المشاركة 120514) صح لسانك راقت لي لك التقدير