سلام تسليم السعد على الرجال الحاضرين= اللي غلاهم كل يوم يزيد من زود الغلا

ابطيت عنكم مار في قلبي لكم شوق وحنين= اقولها والشاهد الله والحضور من الملا

يامرحبا ترحيبة(ن)من غانمين لغانمين=عداد ماهل البرد والرعد بعده زلزلا
من طول الغيبات جاب الفايده علمٍ(ن)يقين=وإن كان جا من دونها ياصاحبي هذا البلا

دام البقا بك ياعريب الجد ياذرف اليمين= دامك حضرت الله يجمل حالكم ومجملا
الفايدة ياصاحبي شوفة رجال(ن) طيبين= باقي الامور ميسره والصعب لاجلك يسهلا