في داخلي من لهفة الوجد بركان=ضحيته قلبي وروحي وفكري
اليا تهيج شب بالجوف نيران=تحرق حشاشة ما كتمته بصدري
من حرها تغلي دموعي بالأعيان=والقا شررها في قصيدي وشعري
بسباب منهو صرت واياه خلان=وأعطيته الخفاق جهرا وسري
وأقفت به الايام والحظ ما زان=يالله تفرج كل كربٍ(ن)وعسري
مضى عليه شهور وأيام ما بان=أراقب رجوعه ولكن مدري
متى يعود الترف من ذيك الأوطان=ويعود لي كل الهنا مثل خبري
من يوم غاب القلب ما ذاق سلوان=أبيع هم بجاير الوجد وأشري
حتى غديت من القهر شبه ذبلان=بعد الصعود اليوم منحاي حدري
ليلي نهار أقضيه للصبح سهران=أون ون اللي طعن ظلم غدري
قلبي على المضنون بلحيل ولهان=ودي بشوفه يوم في كل عمري
يمكن ليا شفته بعد كل ما كان=يرتاح بالي بعد ما قل صبري
وإن كان طالت غيبته والزمن شان=ضحيته قلبي وروحي وفكري