يكفيني إني صرت للزين معشوق=كلمة أحبك منه تسوى حياتي
سكن بكلي دم وأعصاب وعروق=ويبقا بذاتي لين ساعة مماتي
ما عاد بعده قلبي يحب مخلوق=حوت جميع الحسن بالغانياتي
فتنة على ما قيل والعنق منتوق=غير الشعر والصدر والنابياتي
عذب اللما والسحر بلسان ونطوق=ينسي تقي الدين بعض الصلاتي
ضامر حشا والعود بالطول ممشوق=لو شافها صب الهوى ما يباتي
غير الأدب والظرف والغنج والذوق=وعيون حور(ن)كنها ناعساتي
من ودها ياهل الهوى صرت محروق=ضيعت رشدي والعقل وحسناتي
أسج فكري وأنظم لحون وطروق=أعول عويل الذيب بالشاهقاتي
أطرد طيوفه والعطش يبس حلوق=بصهوة حلومٍ(ن)بالفكر سابحاتي
طرد العنا ما كل مطرود ملحوق=ما جبت فيد ولا تحقق مناتي
مدري متى برتاح والخاطر يروق=أسقي عروقٍ(ن)بالمنى يابساتي
وإن كان مالله حقق الحلم برفوق=بكتم جروحي بدون ودي وهاتي
ويكفيني إني صرت للزين معشوق=كلمة أحبك منه تسوى حياتي

يكفيني إني صرت للزين معشـوق
كلمة أحبك منـه تسـوى حياتـي
سكن بكلي دم وأعصـاب وعـروق
ويبقا بذاتي ليـن ساعـة مماتـي

أَبْيَآْت ابْتَغَــــاهَآْ القَلْب

أَجِدُهَا قَدْ ارْتَوت بِروْح شاعرها

وازْداْنَتْ مَعَهآْ الربُوْع اللَّتِي دَآْهَمَهآْ هَمْسُ قَوَآْفِيْك

صَح لسانك مدد



أَيْنَ نحــــــن مِنْ ذَلِكَ إِبْدَآْع