سافر وترجع ياهوى البال في خير=وأنا أنتظر رجعتك كني على نار
برسل لك الأشواق مع حائم الطير=وأدعي لكم بالخير في وقت الأسحار
بكتب قصيدي فيك وأنظم مجارير=في مثلكم يطيب لي نظم الأشعار
يا فتنة الشاعر وسيد الغنادير=القا وجودي فيك في حل وأسفار
أعطيتك الخفاق من دون تفكير=أنت الوحيد اللي ملك روح وأفكار
ساعة طلبت الروح ماقلت لك غير=تفداك روحي ما تلمست لأعذار
ما ردني عنكم بعيد المشاوير=ولأخذت لأجل وصالكم عذل وأشوار
ما والله أطلب دون وصلك معاذير=والا بقل لك صار في شيء ما صار
وأشوف ما سويت ياغالي صغير=أنته حقوقك فوق مغليكم كبار
قسم بربي ما يجي شيء تقصير=لأجل عيونك ترخص أرواح وأعمار
هذا وعد والعلم مايعيز تفسير=سافر وترجع يا هوى البال في خار
أرسل لي الأخبار من دون تاخير=أول بأول لا توخر للأخبار
وش صار في دنياك ماصار ويصير=أرسل لي النشرة على كل الأقمار
لكن شفر كامل النص تشفير=من شأن لا يقراه عاذل وغدار
سافر وترجع ياهوى البال في خير=وأنا أنتظر رجعتك كني على نار

صح بدنك ولا هنت


شرفني حضورك

صح بدنك ولا هنت


سعدت بحضورك الطيب

صح بدنك ولا هنت


سعدت بردك وحضورك المميز


لك خالص التحية