تجيد الجرح لعيونه وتعزف دمعها يازين=تغني للعيون اللي شكت من تالي سنينه
الا ليتك تشوف اللي تعزت بالغلا هالحين=شقت من حر ويلاته بكت وربنا يعينه
نوير غابت الحونه وضاعت في جفا القاسين=وليله آآه ياليله وحااااله نيل بطينه
وعد والوعد ماخونه وثيقة نزفها حرفين=على هامة مواويلي وجآد الحرف تلحينه
امانه ماقدرت اكثر بارد الصاع له صاعين=باعلم من نسى دربي وانا باقي على دينه
حلفت اني لاسفل به واخلي بردها نارين=ابحرق من حرق جوفي وفرق بيني وبينه
تعبنا يابعد حالي ولا مرتاح فيها اثنين=لو ان الجرح في صدره تشوف الدمع في عينه
ولاني للعتب عاني كتبت القاف للوافين=جذبني بالنقا ناس تصوغ الحس وتزينه
اذا روح هوت صاحب تغلى يتعب الملفين=ترى هذي نهاياته دروب الوجد ياشينه
ابصرخ بالملا وابكي واقول ان الغلط نوعين=تحب اللي ذبح قلبك وتنسى الحب في ايدينه
اذا انك قادرن توفي او انك ودع الغالين=وقدر من تعنى لك وشال اكبر موازينه
واذا انك خاين غادروتلعب لي على الحبلين=تريح مايجي منك لان الخط قارينه
مصيرة همتك تضعف وتاقف لي مع الباقين=تشوف الدور يطوي لك وتال الوصف دارينه
يجي لك يوم ياقاسي تذوق بفعلتك ضعفين=عذاب من قسا قلبك وقلبن بعته بلينه
بعدماقفيت لاتفكر اجي من بعد ماتردين=تنادي لي وانا سآحب مثل سحبتك في حينه
تقول ارجع وانا ماشي واقول ابعد ولاتدعين=تقول آسف وانا ماسمع اصد القلب وآدينه
حلف قلبي يلبي لك وانا حالف عليا دين=فلكن تبقى للآخـر شقا قلب وشرايينه

ماكنت ابيها حرب والحق ينقال= فاح الألم واطفى شموع المعاني
الله يعين وخاطري كيف مامال=يبقى الامل فيني يعيد الاماني
عاتب وخانتني حروفي والاقوال=راضي ولكني من الهم داني
ازرت قوافي الشعر تسقين فنجال=حتى الفرح ازرى يزف التهاني
جيت اعتذر عن مابدر جيت والحال=تعبت حروفي واستحلت بمكاني
ليت الزمن يرجع وصبح الهنا فال=ليت الدقايق تحتمي بالثواني
عجزت اوصفها والا الحظ لامال=يفضح كنين اللي بعمره يعاني

أهلا وسهلا

ياكل الاحبة .. وعيون المحبة

..

كلماتكم مطر يسقي الوجدان

وحضوركم تشريف لايضاهى

يعجز اللسان ..عن سعادتي بتقديركم

كلي فخر وامتنان بذلك التشريف..