هبت على قلبي عواصف بها نار=شبت وقايد بالضلوع النحيفات
من يم دار اللي ملكني ولا شار=ما شارني ساعة رماني بلحظات
لو جار قلت الزين ممنون ما جار=يفداه دم القلب لو كان قطرات
وتفداه روحي والمعالق والأنظار=وتفداه بالدنيا ممالك وزينات
هذا الذي يستاهل لنظم الأشعار=يستاهل أسهر لجله ليال ما بات
يستاهل أصنع له من عروقي أوتار=وأعزف غرامه فوقها لحن وأبيات
يستاهل أزرع له من أحلامي أزهار=وأرشها بعطور حرقة ولوعات
وأنسج لها من غالي رموشي دثار=والعين بعطيها لسيدي مرايات
لأجل الغلا بعطيه روحي والأفكار=وأعطيه حسي والمشاعر وعبرات
بعطيه باق العمر لو باقي أعمار=وأبكي على عمرٍ مضى قبلها فات
يا ليتني وإياه من يومنا صغار=عشنا سوى في جوف ذيك البنايات
ما كان صرنا اليوم كل واحد بدار=نحصد هموم ونجني أوجاع وآهات
هذا قدرنا وشنسوي بالأقدار=تدبيرها بيدين رب السموات
يالله تسقي دار خلي بالأمطار=يا واسع الرحمات عجل برحمات

هذا الذي يستاهل لنظـم الأشعـار
يستاهل أسهر لجله ليال ما بـات


الله الله الله

صح السااااانك وبيض الله وجهك

امتعت وابدعت في هذه الباااسقه

ارويت الذااائقه ياشاعرنا
تحياتي

هذا قدرنـا وشنسـوي بالأقـدار
تدبيرهـا بيديـن رب السمـوات
..
يالله تسقـي دار خلـي بالأمطـار
يا واسع الرحمات عجل برحمـات
...
ها قدرنا وشنسوي بالاقـدار
تدبيرها بيدين رب السموات

ابن هليـل

جزل جزل

ابيات رائعة

صح لسانك

مدد بلآعدد

شكرا لك

ردك اسعدني


لك تحيتي

المشاركة الأصلية كتبت بواسطة ساحر القلوب (المشاركة 116359) هذا الذي يستاهل لنظـم الأشعـار يستاهل أسهر لجله ليال ما بـات الله الله الله صح السااااانك وبيض الله وجهك امتعت وابدعت في هذه الباااسقه ارويت الذااائقه ياشاعرنا تحياتي

كلك ذوق لا عدمتك


لك تحيتي

المشاركة الأصلية كتبت بواسطة نورة الجعيثن (المشاركة 116367) هذا قدرنـا وشنسـوي بالأقـدار تدبيرهـا بيديـن رب السمـوات .. يالله تسقـي دار خلـي بالأمطـار يا واسع الرحمات عجل برحمـات ... ها قدرنا وشنسوي بالاقـدار تدبيرها بيدين رب السموات ابن هليـل جزل جزل ابيات رائعة صح لسانك مدد بلآعدد

صح بدنك


كلك ذوق لا عدمتك


سعدت بردك الطيب وحضورك المميز

لك تحيتي

لأجـل الغـلا بعطيـه روحـي والأفكـاروأعطيه حسي والمشاعـر وعبـرات بعطيـه بـاق العمـر لـو باقـي أعمـاروأبكي على عمـرٍ مضـى قبلهـا فـات يـا ليتنـي وإيــاه مــن يومـنـا صـغـارعشنا سوى في جوف ذيـك البنايـات