يابن هليل وين ابن عبود= رعيتك وشبك تضيعها

ماشفت له في منتدانا رود= ابحث ملفاته و سنعها

ماهو بعيد قريب وموجود=البدو لازمة(ن)مرابعها
راع الوفا ما يلحقه منقود=يا ريس الشعار وزعها

اله شهر والا علاه يزود= نجومه خفت ماشفت مطلعها

الدرب واضح ماهو بمسدود= مار العرب هاذي طبايعها

يمكن يزهب لأجلك البارود=بندقه ما تخطي مواقعها
يبا يجيك بعسكرٍ وجنود=نار الحرابة لا تولعها

ان كان جد الريع اله مقعود= روحي في هاك اليوم بايعها

السيف والم والقبر ملحود= وجنازته تعال شيعها

العلم ثابت والفعل بشهود=ناويك بالدبسا ورافعها
ليا وصلت الدعوة لقدح زنود=متاجرك يبا يشمعها

حجة سعد تبطل حجج مسعود= ودبساه في علباه نرجعها

متاجري على النقا المجرود= بيبانها ماحد(ن) يقلعها

حجتك ياحامد ولد محمود=المحكمة عيت توقعها
ليا كان فيها جاحد ومجحود=يا صاحبي عذر وقطعها