الله من جور الليالي والأيام=همٍ(ن)تجينا به وهمٍ(ن)توديه
تضحك لنا ساعة من العام للعام=ومن لا تعشا ضيم بكره تغديه
نركض سوا والدرب قدام قدام=وليا وصلنا بأخره ما نعديه
ننحر على جسر المقادير الأحلام=على صخور الياس غصبا نسديه
أحلامنا تطرح تخاريف وأوهام=وأفكارنا ما عاد شيء(ن)تقديه
لأجل كذا قررت تكسير الأقلام=واللي كتبته من تخاريف بغديه
بمسح بيوت الشعر للخاص والعام=ماني بلا بائع ولاني بمهديه
طير القصيد اللي مع الجو حوام=اليوم قلت بالشوامخ مباديه
هذا قراري بعتزل قبل ما نام=يحلام فكري ما بنيتيه هديه
الله يثبتنا على دين الإسلام=ومن لا هداه الله ما حيي يهديه

رمز الشعر لا طاح ماقام ماقام = وإن غاب رمز الشعر جانا ترديه