القوافل العربية - الله واكبـر كيـف عنّـي تخلّيـت!!!

القوافل العربية (https://www.alqwafel.com/vb/index.php)

- قوافل الشعر الشعبي (النبطي) (https://www.alqwafel.com/vb/forumdisplay.php?f=15)

- - الله واكبـر كيـف عنّـي تخلّيـت!!! (https://www.alqwafel.com/vb/showthread.php?t=14248)

الله واكبـر كيـف عنّـي تخلّيـت!!!

قصيده اعجبتني للشاعر
د:عثمان العبدالله -الطائر المهاجر..
واحببت نقلها لكم

ودعتك الله لو على قلبـي اخطيـت
وحاربتنـي مـن دون ذنـب وخطـيّـه

احسبك تذكرني إذا اصبحت وامسيت
واثـرك علـى فرقـاي نفسـك هنيّـه

الله واكبـر كيـف عنّـي تخلّيـت
من بعـد مـا علقـت روحـي البريّـه

وش غيّرك وش بدّلك ليه صدّيـت
وانـت الـذي بالقلـب نبـض وهويّـه

من هو بقى لي بعدما عنّـي اقفيـت
وقدمتنـي للـحـزن اثـمـن هـديّـه

كلـش تخيلتـه ولا يـوم ظنـيـت
إنـك لحـد غيـري ولانـتـاب لـيّـه

ويلك من الله كيف بالحب ضحّيـت
قلبـك حجـر مـا حـنّ يـومٍ علـيّـه

اللي بنينا بْعمر فـي يـوم هدّيـت
واحلامنـا مـا عــاد منـهـا بقـيّـه

اتعـد غلطاتـي إذا يـوم زلـيـت
من دون مدري .. ويـن ذيـك الحميّـه

مافيه معصوم الخطا لـو تحريـت
ولا فيـه كامـل غـيـر رب البـريّـه

ولو ما احبك ما نشدتك ولا اطريت
بعـدك وصـدك وانتخيـتـك نخـيّـه

ترجع لقلـبٍ يـوم بالعقـل حبيـت
وتتـرك هـل الأحقـاد واهـل الوشيّـه

خايف عليك وخايفٍ منـك ياليـت
مايـوم حبيتـك وصــرت الضحـيّـه

لا نيب حي بعد هجـرك ولا ميـت
ولا نـي مريـض ينعـرف بالشكـيّـه

لكنـي ادرى بحالتـي لا ترديـت
ولا ينـفـع الملـتـاع طـبـه وكـيّـه

مالي سوى اللي كلمـا راح ناديـت
يـا كـود يسمعنـي ويـرجـع عليّه

أرق التحـــــايـــ شوق القصيم ـــــــا