يامرحبا من هاجسي والعون بالله العظيم=بالشاعر اللي مرسل الأبيات صاغ الحانها
عداد ماهبت هبوب(ن)عاصفة والا نسيم=والمعرفة معروف مدخلها على بيبانها
صحيح ما ياتي عقل سليم في جسم(ن)سقيم=الله مقسم للبشر بعقولها والوانها
الشعر سموه البحر ما كل من طبه يعيم=لكن هذا الوقت هيجا واسع(ن)ميدانها
سيل(ن)يبا يذهب زبده ونفعته دايم تديم=سحائب(ن)يقبل ويقفي يا ولد ربانها
بعد النبي مابه نبي ولا رسول ولا كليم=دول تدال وكل صفة عشقها لأقرانها
الأمر نسبي يا صحيبي بالقبيح وبالوسيم=الك عيونك والعرب قنعانة بعيانها
العلم نعمة والبشر كلٍ(ن)يري نفسه فهيم=والعقل زينة حظ منهو في حياته زانها
المسعد اللي في حياته يا صحيبي مستقيم=كبح هوى نفسه ورد الروح دون جنانها
هذا جوابي يا جميل الوقت يبغا له حليم=رد لجوابك والمدونة خالص(ن)ديانها

مجاراة رائعة

من شاعر رائع

ولك تحيتي