ياسلام الله سلامن نذيعه= عد زلزال الرعد فالخيالي

يابني مسعود فيكم طبيعه= واذكروها ياثقات الرجالي

مرحبا ترحيب ماهو بديعه= للعريف القرم دسم السبالي

لاتجنب عن طريق الشريعه= كب هرج الناس قيلن وقالي

ياهذيل اهل العلوم الرفيعه= تنقرون الدرب وسط الجبالي

الخبر جانا وقلنا فجيعه= لانحرمها ولاهي حلالي

ياثبيت اهل العلوم النفيعه= مالكم خشره معي في حلالي

الصنيعه عند اهلها وديعه= وانت بيدينك تخل الخلالي

ياحددانا تشقرون القليعه= مشكله والعلم دوبه بدالي

الجمل لو كان ربع ربيعه= يتعشى من قرون السيالي