سلام رديه لشيخ وشاعر ثبيت العريق= ابن هليل حاوي الثنتين ماشا الله علاه
الناس شافو حضرتك وانته مسومل فالطريق= عند الامانه يوم جيتو كم دفعتو للزكاه

يا مرحبا في مرحبا وأعز ما ياتي رفيق=ان جابها زانه هلا وإن جابها غلطه فداه
بعض العرب عينه تراها يا ولد فيها بريق=وليا نشدته ما يعرف العلم وجهه من قفاه

دام البقا والطيبه جت من رفيق ليا صديق=والحق بادي مثل نور الشمس ماشي يغطاه
الناس راحوا فرقتين انته من ايات الفريق=الظاهر ان البرد خشك يوم نزلت العباه

عاين بدربك لأجل يا راع البضاعة ما تضيق=ترى العمى بالدرب يعذر كان به شيء وطاه
خل العرب بدروبهم أنا على الحق الوثيق=دافي متعافي والعرب كل(ن)يدور في غثاه

عاينت واليا ان العرب كل(ن) على ربعه يويق= واللي جنا تمر النخل محرم رفيقه من جناه
والداب الاسود عينه اليسرى تسارقني سريق= والسم يمي ينفثه والله وقاني من سماه

يا نشبتي من عسكري وده يرقونه فريق=والمشكله كل العرب عنده يسميهم جناه
اهب يا غراب(ن)على راسي يناغق له نغيق=مدري وجع والا طمع محد(ن)عرف وشهو بلاه