جرى الدمع مني فوق الاوجان معذور = معذور دمعٍ فوق الاوجان سالي
ياما حظنت الهم ايام وشهور = على قسى المحبوب طولت بالي
لوني سمعت القول واذعنت للشور = ماكان هذا ياهل الولف حالي
حارت عيوني بين ظلمتك والنور = لا بان لك صبحٍ ولا طاب فالي
قلبي بلاني وابتلا بحب مغرور = ما خذ قلوب الخلق لعب وتسالي
عسى الدواير حول مشرافه اتدور = ويذوق ما ذقته من الضيم تالي
ويالله عسى الفرحه عقب صده اتزور = قلبي وتمحي صورته من خيالي
ما نيب عبد له ولا نيب مجبور = بلقى بديله في الخلايق بدالي
شخصٍ يبدل عش الانذال بقصور = تفداه روحي لو طلب كل غالي
صافي سريره مايبي الكذب والزور = خفيف ظلٍ شامخ الرآس عالي